Friday, February 2, 2007

اساسيات : طرق وضع عداد الزوار- ساعة للمدونة-ملف صوتي

اول بوست هيبقى عن حاجات بدائية
لكن في مدونين كتير ميعرفوش طريقة عملها
هنبتدي بيها ان شاء الله
وبعدين نخش في الحاجات المتقدمة بناء على اسئلة الاخوة المدونين
تحذير
الشرح بالتفصيل الممل المشل
لو عايز تحافظ على مرارتك متقراش
هنبتدي ناخد لمحة اساسية عن اكواد الهوتمل
html
هيا عبارة عن مجموعة من الحروف والاكواد صفحة الانترنت بتتبني اساسا عليها
وممكن تغير اي شيء في موقعك من خلال تغيير في اللغة دي
بالنسبة للمدونات
ممكن تتعامل مع اللغة دي عن طريق القالب
والوصول للتمبلات ده سهل جدا
من خلال لوحة التحكم في المدونة
وبعدين تضغط على كلمة
زي ما هو مبين في الصورة
img117/7011/14253106tj3.jpg





هتظهرلك لغة ال
html
ياريت قبل ما نبتدي في اي حاجة
تنسخ كل اللي مكتوب في الصفحة دي
وتعمله باست في ملف وورد عشان لو حصل اي اخطاء في الاكواد ممكن الدنيا تبوظ
اشطة ؟؟
طيب
في الصفحة دي فيها كل اجزاء المدونة
احنا عايز بداية نعرف الجزأ اللي هنحط فيه الساعة والعداد
اللي هوا السايد بار
السايد بار هوا الجزأ الجانبي من المدونة
اللي فيه الكتابات الجديدة والارشيف واللينكات المختلفة
المهم بقا
ان السايد بار ده بيبدأ بكلمة

html في صفحة الهتمل
ودي هتلاقوها في اسفل منتصف الصفحة
ودي معناها بداية السايد بار
وتحتها هتلاقو اكواد اللينكات والكتابات الجديدة والقديمة
الجزأ ده اللي هنحط فيه الساعة وعداد الزوار وممكن الشات بوكس كمان
والصور وكل اللي عايزينه
بس ازاي ؟؟
نبتدي باسهل حاجة
الساعة
الساعة يا سيدي عبارة عن كود
html
بتاخده من موقع معين هقولكم عليه دلوقتي و
بتحطه في المكان اللي يريحك في السايد بار
بس خلاص!!
شفت ؟
في مواقع كتير جدا بتدي اشكال كتيرة جدا للساعة دي
انتا تختار منها اللي يريحك
على سبيل المثال
الموقع الاشهر في عالم المدونات
((مع ان في مواقع احلى منه ميت مرة))
الموقع ده فش اشكال جميلة جدا للساعات
واجمل حاجة فيه انك مش محتاج تسجل فيه ولا حاجة
انتا خش على اللينك ده
فيه اشكال جميلة
تقدر تختار اشكال الساعات من خلال الضغط على اللينكات الي في اعلى الصفحة في الموقع
وزي منتو شايفين اللينكات متقسمة على حسب الاشكال
بعد ما تختار
الشكل اللي يعجبك
هتلاقي تحت صورة الساعة كلمة
view html tag
على سبيل المثال الساعة دي
تضغط على الصورة دي
هتفتح صفحة جديدة معاك في كلام كتير سيبك منه
ودوس
accept
هتفتح صفحة جديدة
تختار منها لون الساعة اللي انتا عاوزه وتظبط الوقت بالظبط
اللي هوا + 2
وهتلاقي كود
html تحتها
تنسخه كامل وهقولك تحطه فين في السايد بار
بعد ما نسخت الكود
ترجع للتمبلات والسايد بار
وتنزل تحت لحد ما تلاقي كلمة


اللي قلنا عليها فوق
وتنزل كمان بس سنة سنة عشان تدور على كلمة عايزك تدور عليها
اللي هيا
اضغط على الصورة للتكبير
دي معناها نهاية الارشيف
ودي اخر حاجة في السايد بار
بص يا سيدي
انتا هتعمل باست للكود اللي انتا اخدته من موقع الساعة تحت الكلمة دي بالظبط
past
على سبيل المثال
وممكن تحط الكود في اي حتة في السايد بار لو انتا ليك خبرة في التعامل مع اللغة دي
عشان متبوظش الدنيا بس
وبس كده
عشان تتاكد انك ماشي صح
دوس على
preview
img174/4282/97504322wp3.jpg




هتفتح صفحة جديدة فيها التعديلات الجديدة في البلوج
الخط فيها هيكون كبير شوية ..متقلقش هوا كده
لو انتا ماشي سليم يا برنس دوس على
puplish
ومتنساش تبقى تغير البطارية للساعة :)
------------
عداد الزوار
عدد الزوار عبارة عن كود برضه
بتاخده من موقع معين بتشترك فيه
وبيعدلك عدد الزوار اللي عندك في البلوج
من ساعة ما اشتركت في الموقع
الموقع المنتشر في عالم المدونات هو موقع
هتعمل اشتراك فيه من اللينك ده
وبنفس الطريقة بتاعة الساعة
بعد ما تختار الشكل اللي يعجبك هتلاقي كود Html
تنسخه وتحطه في السايد بار
كده اوكي ؟؟
-----------------
الملف الصوتي
ده بقا اسهل حاجة في الليلة دي كلها

انتا تنسخ الكود ده

وتغير لينك الملف الصوتي للملف اللي انتا عايزه
وتحط اللينك في السايد بار في المكان اللي تحبه
او تحت الارشيف زي ما اتفقنا في الاول
..بالنسبة بقا ازاي تجيب لينك للاغنية من على النت
فده انتا تجيب الموقع اللي عليه الاغنية اللي عايز تحطها
وعلى سبيل المثال
شبكة بسملة الاسلامية
وبعد ما نختار الاغنية
ناخد اللينك عن طريق
الضغط بزرار الماوس اليمين على كلمة استماع
وبعدين
copy shortcut
وتاخد اللينك وتحطه بدل اللينك الاصلي اللي موجود في الكود فوق
واياك تحذف اي حاجة من الكود يا اما كل شيء هيبوظ
اي خدعة

26 comments:

Sharm said...

برافو

موضوع رائع و مفيد للمبتدئين في التصميم

احييك

Amr Ahmed said...

صباح الفل يا علوة انت كوبا

ربنا معاكم يارب

وعاوزين حاجات جامدة بقي

مجهود رائع

الله يكون في عونكم لان الشرح النظري صعب

بس في انتظار المزيد يا مينز

تحياتي

adhm said...

ما فيش احسن من البلوجر القديم تقدر تلعب براحتك فى التيمبليت
انا مثلا باعمل كوبى للتمبليت وافتحة فى الفرونت بيج واغير فية براحتى لون الفونط وحجمة وشكل اللينكات واعدل مقاسات الصور واللينكات بتعتها وبعدين انسخ التيمبليت المعدل من الفرونت بيج واعملة ببليش
مجهود جميل جدا

adhm said...

على فكرة ممكن اسأل سؤال
ازاى الواحد ممكن يضيف رابط او لينك يعنى فى التعليقات

koukawy said...

انا عايزه اجيب الأغنيه من الكمبيوتر
مش من سايت 00ايه الخطوات بالشرح الممل و ميهمكش شايله المراره

koukawy said...

هو انا حاولت موضوع الأغنيه ده بس فشلت جدا00انا اخدت الكود زي ما انت قولت 00بس انا بحطه في
page element
معرفتش ازاي اغير اللينك بعد
ما جيبته
يا ريت شرح ممل اكتر لو ما فيهاش غلاسه يعني

khaled said...


كوبا
شرح جميل و انا كمان كنت عامل مدونة للتعليم اسمها

تعليم
http://ta3leem-khaled.blogspot.com

بس مش مخصصة للمدونات بس دى فيها فوتوشوب و اكواد و حاجات تانية مفيدة للمواقع بصفة عامة
ارجو الزيارة

gygy_ahmed said...

معلش انا مش قادرة اقول حاجةدلوقتى بس عايزة اقول انا كان مالى مكنت فى حالى ومدونتى زى الفل وحاجة عشرة علىعشرة لكن الوقتىكل حاجة راااااااااااااااااااااحت

رااااااااااااااااااااحت


رااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااحت



المفروض تحت هنا صورة فتاه بتعيط ودموع مغرقه الدنيا بس مش عارفهاعملها بصراحة


اريد حلللللللللللاااااااااا

تحياتى جيجى

munshie said...

عندي سؤال .. ازاي اظبط البلوج عشان يحط في الصفحه الاولي البوستس بتاعت الشهر دا بس .. والبافي يحطه في الـa
archive?

واحـــد مـــــن الـنـــاس said...

يا جماعة
اسف جدا جدا جدا على تاخر
الرد
لكن والله ظروف فوق الطبييعية

وانا كنت مكلم الاخ كوبا شريكي في المدونة انه يرد عليكم

وضشكله نفض
والله لموريه اول ما اشوفه

وبإذن الله هرد عليكم في اقرب فرصة

ذو النون المصري said...

اشكرك علي توضيحاتك
و اكمل
نحتاج المزيد

Sharm said...

طيب ازاي اخلي لنك اسمي يوصل للمدونة على طول دون المرور بالبروفايل ؟

أميرة ويلز said...

تدوينة رائعة تسلم ايدك

عايزين التقيل

فى انتظار الباقى

كمان تصميمها حلو اوى

hamza said...

بسم الله الرحمن الرحيم

اولاً اهلاً وسهلاً أخواني
كيف حالكم؟؟

اعذروني فقد اخرج عن اطار هذا الموضوع واتكلم كلام لا يمس هذا الموضوع
من قريب او من بعيد
ارجو إن تسامحوني

أخي الكريم واحد من ناس
واخي الغالي كوبا
اولاً الله يجزيكم الخير على هذه المجهود :((


صحيح إنني جديد في هذا العالم
في عالم المدونون
إلى في بعض الايام التي اقضيها في البحث عن المدونون اعجبتني مدونتك الخاصه لا اعرف لماذا كونك تسمع اناشيد اسلامية ومن من موقع بسمله
طيب شو رايك في هذه الانشودة
قم حي ذكره العزيزة انها
اه اه اه اه اه
يا بدر في سماء الكوني
قد بنا اخجلتني في طلعتك اقمار ازمان
يا ....بني صرح العزي في زمان قد كان في ظلام قد يخشان



لنرجع إلى الموضوع
أخي الكريم لا اعرف اشعر ان البرمجه عندي تختلف عند الجميع
لا اعرف لماذا
مثال انا عندي h2



.sidebar h2 {
padding: 1px 0 0 36px;
color: $sidebarHeaderColor;
background: url(http://www.blogblog.com/thisaway_rose/icon_sidebar_heading.gif) no-repeat 0 45%;
font: $headerFont;
}

.sidebar .Profile h2 {
color: #95526a;
background: url(http://www.blogblog.com/thisaway_rose/icon_sidebar_profileheading.gif) no-repeat 0 45%;
}

ولكن في شرحك تختلف
فلا اعرف اين اضع رابط



قد ازعجك أخي الكريم

واعتبرني ضيف إن شاء الله خفيف
وسوف تجد مشاركاتي كثيراً جداً هنا


واسف على الازعاج وعلى الخروج على هدف هذا الموضوع


أخوك الصغير حمزة لاجئ

hamza said...

أخي الكريم
اعذرني اذا اتدخل في ما لا يعنيني
ارجو إن لا تغلق هذه المدونة
ومساء الخير او صباح الخير
تحية من أخوكم الصغير حمزة لاجئ

أمير الهدوء said...

بجد شكرا ليك

سارة said...

جزاك الله خيراااااااااا

فضفضة said...

السلاااام عليكم ورحمة الله وبركاته

اولا جزاك الله كل خير

والف شكر لك

انا عن نفسي

طلعت عينى عشان احط الساعة

وشديت فى شعري لما اقرعيت خالص
ولا فهمت حاجة

وببقى ماسكة الكود فى ايدى
ودوخينى يا ليمونة
ومش عارفة احطة فين

والحمد لله
وبفضل شرحك اخيرررررررررا
حطيت الساعة

حبيت اشكرك وادعي لك وربنا يقبل يااااااارب

أحمد يونس said...

يا عم انت كنت فييييييييييييييين من زمان .. أنا أحمد مدون جديد وكل كلمة انت كتبتها انا استفدت منها أكبر استفادة ممكنة ...
ألف مليوووووووووووووون شكر على هذه المعلومات وياريت لا تبخل علينا بأي معلومة جديدة
مرة تانية .. الف شكر .. انت انسان غاية في الاحترام

قهوة كل المصريين said...

موضوعك رائع واستفدت منه
برجاء زيارة مدونتى الشخصية بها تجد جميع افلام الموسم مباشرة دون تحميل وان اردت تحميلها عليك ببرنامج ريال بلاير 11 http://www.egy-cafe.blogspot.com/

Pink Dreams said...

بجد موضوع تحفه

ومفيد جدا

جزاك الله كل خير

وكل سنه وانت طيب

admin said...

موضع رائع مكن التبادل الاعلانى

http://www.e-business3.info/

loveriver said...

السلام عليكم
كل الشكر لشرحك الوافي

كفيت ووفيت
ننتظر جديدك
اكثر من رائع

كنت هنا وكم اسعدني الموضوع

بنت مصر said...

بصراحة انا مش فاهمة فين بالظبط اضع الكود ياريت تساعدنى لانى لا افقه شئ فى هذا الموضوع
شكرااا

بنت مصر said...

مدونتى اسمها egypt25egypt
ياريت تساعدنى لانى فى حاجات كتير اوى مش فهماها

Maidine Khalid said...

http://www.matcheenligne.blogspot.com